Union Home Minister-in Assam leh Meghalaya tlawh dawn

Union home minister, Amit Shah chuan ni thum cham turin Assam leh Meghalaya a tlawh dawn a, nimin khan Meghalaya a thleng. Assam leh Meghalaya-a a cham chhung hian North Eastern Council plenary session a telpui bakah, Assam police commando passing out parade leh cyber security operational centre hawnnaah a tel bawk ang.

Amit Shah hian nimin khan Shillong thlengin, Assam Rifles ta; cyber security operational centre, Meghalaya-a Assam Rifles headquarters-ah a hawng a, vawiin hian state convention centre, Shillong-ah North Eastern Council plenary session vawi 71-na a hmanpui dawn a ni. He hunah hian North Eastern Space Applications Centre (NESAC) kalphung thlirhona an nei nghal dawn a ni.

Naktuk, Inrinni hian Amit Shah hian Assam,Tezpur-a, Sashastra Seema Bal (SSB) Raising Day vawi 61 lawmna a hmanpui ang a, chawhnu lamah Sonitpur district-a All Bathou Mahasabha triennial conference a hmanpui leh hnuah tlai lamah, Guwahati, Sarusajai stadium-a Assam police commando 2,551 te passing out parade a hmanpui leh ang. Lehkhabu tlangzarhna hun a hmang dawn bawk a ni. Union home minister hian Delhi-a a let leh hmain Guwahati-a Brahmaputra riverfront hawnna a nei bawk ang.