Assam : CJI hlui Ranjan Gogoi hnenah civil mi chawimawina sang ber hlan dawn

Assam chief minister Himanta Biswa Sarma chuan Assam-in civil chawimawina sang ber a hlan ṭhin, 'Assam Baibhav' chu Chief Justice of India (CJI) hlui leh Rajya Sabha MP ni bawk, Ranjan Gogoi hnenah hlan a nih tur thu a puang.

CM Sarma chuan Ranjan Gogoi hnena Assam Baibhav an hlan thei tur chu ropui a tih thu leh, a hna thawh ropui leh hmalakna chhinchhiahtlak tak tak avanga mi chhuanawm a nih thu leh, chawimawina chu phu a tih thu a sawi. Assam Baibhav hi kum kal ta khan kawng hrang hranga khawtlang leh ram tana a hnathawh avangin Tata Trust chiarman, Ratan Tata hnenah hlan a lo ni tawh a ni.

Ranjan Gogoi hi Chief Justice of India 46-na niin, Northeast aṭanga hetiang dinhmun chelh thei hmasa ber a ni bawk. Gogoi hunlai hian Supreme Court-ah kum tam tak thubuai kal tawh, Ram Jananbhumi-Babri Masjid thubuai chu chinfel a ni. A term a zawh hnu hian Gogoi hi Rajya Sabha MP atan March 16, 2020 khan President Ram Nath Kovind chuan a ruat leh bawk.