Assam : Bharat Jodo Nyay Yatra lakah FIR theh lut

Assam police-te chuan Congress party hruaitu, Rahul Gandhi kaihhruaia neih mek, Bharat Jodo Nyay Yatra leh an state-a yatra chief organiser, KB Byju lakah FIR theh luh a nih thu sawiin, FIR theh luh a nih chhan hi ruahmanna leh phalna pek an nih lohna china an kal vang niin an sawi.

Official-te chuanYatra hian January 18-a Assam, Jorhat chhunga an kal laiin, kawng zawh tura phalna pek an nihna, KB Road-a kal loin kawng dangah an kal niin an sawi. "Mipui kalte an hmanhmawh thut avangin innek buaina a thleng a, an inchil hlum lo chauh a ni. Hei vang hian Jorhat Sadar police station-ah suo moto-in Bharat Jodo Nyay Yatra leh a buatsaihtu, KB Byju lakah FIR theh luh a ni," an ti.

FIR-ah hian Yatra hian kalkawng atana phalna pek an nih chin bawhchhiain, kawngpui himna dan an bawhchhe bawk niin an tarlang.

Hemi chungchangah hian Assam leader of opposition, Debabrata Saiki chuan FIR chu Yatra tihbuaina hmanrua pakhat mai a nih thu sawiin,"PWD point kan thlen lai hian kawngpuia duty police pakhat mah an awm lo, hei vang hian metre tlemtein ruahman sa aiin kan kal peng zeuh mai a ni. Yatra hlawhtlin hi Himanta Biswa Sarma hian ṭan a nih ni aṭang khan a hlau reng a ni," tiin a sawi.

Bharat Jodo Nyay Yatra hi Assam-ah January 25 thleng a cham dawn a, hemi chhung hian district 17 fangin, km 833 chuang kal chhuak hman tura ruahman a ni.