Assam-in sorkar hnathawkte hlawh leh pension pe kim dawn

Assam sorkar chuan hripui leng vangin a sum dinhmun tlahniam mah se, May thla bik atan chuan sorkar hnathawkte leh pension hlawh chu a kimin a pe dawn tih a sawi. 

Finance leh health minister Himanta Biswa Sarma chuan sorkar laipuiin a phalsak avangin hlawh kimin an pechhuak thei tih sawiin, prime minister Narendra Modi leh union finance minister Nirmala Sitharaman chungah lawmthu a sawi nghal bawk. An state sum lakluh pawhin hma a sawn chho ve leh mek tih a sawi. 

Sarma hian thla hmasa khan Covid-19 vanga hun rei tak lockdown kalpui a nih tawh avangin state sum lakluh pawh a tlahniam hle tih a sawi a, hei vang hian sorkar hnathawkte hlawh pawh an pe thei lo maithei tiin a lo sawi tawh a ni.