AP sorkarin Economic Revival Committee (ERC) a din

Arunachal Pradesh sorkar chuan hripui leng vanga an state economy tlahniam avangin sum dinhmunte thlir a, economy siamṭhatna tura ruahmannate siamtu tur Economic Revival Committee (ERC) a din.

 

Deputy chief minister Chowna Mein chuan member 14 awmna committee-ah hian Secretary (Planning and Investment) chu convener atan dah a ni a, member atan Principal Secretary (Finance), Commissioner (Planning and Invest­ment), Commissioner (Home) bakah industry, tourism leh agriculture department secretary-te dah an ni tih a sawi. Vawiin hian meeting hmasa ber an nei nghal ang. 

State chief secretary Nareh Kumar chuan committee hian Covid-19 lengin sector hrang hranga nghawng a neih dante an thlir ho dawn a, heta ṭang hian hma lak dan tur ruahmannate an siam ang, a ti. Investment tam zawk hip luh a nih theihna tur policy te pawh an duang bawk dawn a ni.