Thlai thar hralhna hmun khar avangin Assam-a Biswanth khuaah harsatna a thleng

Assam-a Biswanth khuaa thlaithar hralhna hmun khar a nih avangin thlai leitute'n harsatna an tawk. Kar tin Pathiannia inhawng ziah thlai thar hralhna hmun hi an khar chhan thu chiang hriat a ni lo. Helai hmuna thlai thar zuar ṭhinte chu an bungraw kente la kir leh turin thuneitute'n an hriattir a ni.

Biswanath hmuna thlai hralhna hmun khar chhan hi thu chiang awm lo mah se, Bharat Jodo Nyay Yatra neih a nih avanga khar nia ngai an tam hle. Mi ṭhenkhat erawh chuan Ram Temple hawn a nih dawn avanga khar niah an ngai bawk. Helai hmun khar a nih avang hian mipui tan thlai thar duh ang lei tur a awm loh avangin an buai phah hle a ni.