Congress party-in Tripura CM bang turin phut

Tripura-a eptu party Tripura Pradesh Congress Committee (PCC)chuan Ningani khan Chief Minister Manik Sarkar lakah lungawihlohna an lantir a, April 18 hma-a bang turin an phut.

Chief Minister Manik Sarkar hi State Health Minister hlui Bimal Sinha kum 1998-a thathnaah khan inhnamhnawih-ah puhin bang turin Congress party hian an phut a ni.

Tripura assembly neih mek chu Yusuf Commission report avangin a buai hle a, eptu party te chu an lungawi loh avangin House an chhuahsan nghe nghe. PCC President Birajit Sinha chuan press conference-ah Bimal Sinha thihna-ah khan Chief Minister Manik Sarkar chu a bultumtute zingah a tel ve ngei niin a sawi.

Birajit Sinha chuan, "Bimal Sihna thihna chungchang kha CBI chhuitir ngei kan phut a, Sarkar pawh hi Chief Minister a nihna hi bansan turin kan ngen a ni", a ti bawk. Congress party te hian darkar 24 awh nawrh an huai hawt a, Sarkar-a lim pawh an hal a ni. Yusuf Commission chuan Chief Minister lakah hian hmalak tumna a neilo niin a sawi. Bimal Sinha hi National Liberation Front of Tripura (NLFT) ten March 31, 1998 khan an that a ni.