Tripura : Assam Rifles-te'n marijuana chinna hmun tichhia

Tripura-a Assam Rifles-te chuan ruihhlo do beihpui thlakin, Tripura-a general area Lembucherra hmuna dan phal loha marijuana chinna hmun chu an tichhia a, helai hmuna marijuana chin zawng zawng hi Rs. vbc 1.05 man hu nia chhut a ni.

Assam Rifles hi Tripura police leh Tripura state rifles te chuan an ṭawiawm a ni. Inspector General of Assam Rifles (HQ IGAR) (East) headquarters chuan Pathianni khan thuchhuah siamin,"Assam Rifles-te'n dan phal loha marijuana chin 30,000 chuang an tichhia a, hei hi a vaiin Rs. vbc 1.05 man hu a ni. Assam Rifles-te hian ruihhlo leh a kaihhnawih chi hrang hrang baka dan dik lo thil tihte chu kan do zel dawn a ni," tiin an tarlang. Marijuana te hi an chinna hmunah hian hal an ni.

Hetih lai vek hian Assam rifles te hian General Area Patharkandi-ah ruihhlo tawlh mi pahnih an man bawk a, an kut aṭangin Yaba tablet 22,000 an man. Yaba tablet an man hi Rs. vbc 3.8 hu a tling.