NSCN-KYA & ULFA-I te'n R-Day boycott-na thuchhuah siam

Nagaland-a helpawl pahnih, National Socialist Council of Nagaland (NSCN-KYA) leh United Liberation Front of Assam - Independent (ULFA-I) te chuan thuchhuah inṭawm siamin, January 26, Republic Day lawmna chu boycott an tum thu an sawi.

"Kan thil tum leh duhah kan chiang a, kan dinna ngaiah kan ding a ni. Naga leh Asom mipuite hian keimahni tana inrelbawlna hran neih hi kan din chhan leh kan kal zel chhan a ni a, kan tawrhna leh inpekna zawng zawng hi zalenna kan neih duh vang a ni. Heng zawng zawng hi a thlawn a nih loh nan India-in Republic Day a lawm tur hi kan boycott dawn a ni," tiin an tarlang. R-Day boycott an tumna chu thlawp turin mipuite an ngen bawk a, "Mahni in aṭanga kan ram tana nunna hlantu martyr-te zahna lantir nana bati chhit a tawk ang," tiin an sawi.

Helpawl pahnihte hian Assam, Manipur, Nagaland leh Arunachal Pradesh-ah te Republic Day boycott hi an puang a, Republic Day lawmna chu ram pakhatin ralthuam lama a theihna zawng zawng pho chhuak a, a khua leh tuite tana hlauhawm tak anga a inlantirna hun mai niin an tarlang.