Nagaland tan Rs vbc 100 pe chhuak

Sorkar laipui chuan ‘Special Assistance to States for Capital Expenditure’ scheme hnuaiah Nagaland puihna tura cheng vaibelchhe 200 pek a lo remtih tawh aṭangin, kar liam ta Inrinni khan Rs vbc 100 a pe. 

Kumin October 12 khan union finance minister Nirmala Sitharaman-i chuan AatmaNirbhar Bharat package peng pakhat atan he scheme hi siam a nih thu a lo puang tawh a ni. 

Finance ministry chuan ‘Special Assistance to States for Capital Expenditure’ scheme atan hian state 27 tan Rs vbc  9,879.61 a pawm a, heng aṭang hian first instalment-ah Rs vbch 4,939.81  a pe chhuak tawh a ni. 

Ministry chuan Tamil Nadu tiam lohin state dang zawng zawng chuan he scheme thar hnuai aṭang hian ṭanpuina hi an dawng vek tawh tih a sawi. Scheme hi part thumah ṭhen a ni a, part-I chuan North Eastern region a huam. He part hnuaiah hian hmarchhak state pasarih, Arunachal Pradesh, Meghalaya, Manipur, Mizoram, Nagaland, Sikkim leh Tripura tan Rs vbc 200 ṭheuh ruahmnan a ni. Assam chu an state zau leh mipui tam avangin Rs vbc 450 pek a ni dawn thung. 

Part II hian part-I a tello state dang zawng zawng huamin, hemi atan hian Rs vcb 7,500 dah a ni. Part -III chu state hrang hranga citizen-centric reforms atan ruahman a ni thung a, he part tan bik hian Rs vbc 2,000 dah niin, ministry of finance-in kumin May 17-a reforms pali a lo tarlan tawh zinga pathum tal kalpui tawhte hnenah pek a ni ang. Reforms palite chu - One Nation One Ration Card, Ease of doing Business Reform, Urban Local Body/ Utility Reform leh Power Sector Reform te an ni.