Manipur Minister ten CM vau

Manipur minister-te chuan state Chief Minister Okram Ibobi Singh hnenah minister nilai mek zingah ban ṭhen a nei a nih chuan an zavaia minister an nihna basan an tum thu an sawi. Zirtawpni khan Minister te hian meeting neiin he thutlukna hi an siam a ni.

Manipur state assem-bly-ah hian MLA 60 an awm a, Chief Minister telin an zinga mi 12 te chu minister an ni. Minister ten thuchhuah an siam hnu hian Ibobi Singh chuan New Delhi kal a tum chu a ṭhulh nghal bawk.

Hetih lai hian Hill Areas Committee chair-man Charltolian Amo chuan Manipur Congress unit vice president a nihna a bansan.Party thuchhuahin a tarlan danin Manipur Congress president Gaikhangam chu TN Haokip-an a thlak dawn a, hei vang hian a lungawi lo niin a sawi. Speaker T Lokeswor pawh bang tura nawr mek a ni.

Chief Minister-in Ministry thar din a tum nia thawm awm mek hian sawi zui a hlawh hle a, Manipur political history-a a thlen vawikhatna a ni hial. Ibobi Singh hian a minister te chu kum hnih leh a chanve hnuah thlak vek a tum a ni. An buaina chungchangah hian minister hlui ṭhenkhatte leh hruaite ṭhenkhat chu a titi pui tawh a, rah ṭha erawh a la chhuah rih lo.

Opposition party te chuan Congress party chhunga buaina chuan state sorkar-ah nghawng ṭha lo a nei ang tih an hlauh thu an sawi.