Naga Politics buaina chinfel vat duh

Nagaland Chief Minister TR Zeliang chuan kar kalta Inrinni khan Nagaland state politics buaina awm mek chu chinfel a duh thu a sawi a, mipuite chu thawhpuiah a sawm bawk.

CM hian Meluri Town Coun-cil hawnnaah thu sawiin, an state-ah Naga Political Group pakua lai a awm tih a sawi a, harsatna hi chinfel vat a nih loh chuan thil pawi zawk a thleng ang tih a hlauhawm thu a sawi. TR Zeliang chuan sorkar chuan Parliamentary Working Committee a din tih a sawi a, heng mite hi Naga MLA te an ni. PWC te chuan Prime Minister, Home Minister, Interlocutor leh NPGs hruaitute an hmu a, harsat-na chinfel dan tur an sawiho a ni.

Naga Framework Agree-ment chu August 3, 2015 khan NSCN (IM) leh Interlocutor te chuan New Delhi an inremna ziah a ni a, Prime Minister pawh he mi ṭum hian a tel a ni. March 9 khan PWC hian NPGs hruaitu paruk te chu Chumukedima-ah inbiakna a neihpui leh a, an ngaihdan leh duhdan te an sawi a ni. State chhunga remna leh muanna a awm theihna tura hmalaknate chu an thlawp zel tur thu Chief Minister chuan a sawi.