Tarun Gogoi-an PM Modi ngen

Assam Chief Minister Tarun Gogoi chuan Prime Minister Narendra Modi hnenah sorkar laipui aṭanga an state hmasawnna kalpuina tur sum pe chhuak turin a ngen.

Tarun Gogoi chuan Prime Minister hnenah state in a dawn tur fund leh arrear te chu pe chhuak thuai turin a ngen a, hmasawnna hnathawh kal mek chu a chatlak mai loh nan sum an mamawh tih a hrilh a ni. Centrally-sponsored schemes leh flagship programme aṭanga tuilian venna leh lei luangral chak lutuk venna atana sorkar lapui aṭanga tanpuina an dawn ṭhin pawh tun thlengin pek chhuah a la nilo tih a sawi.

Assam CM hian Prime Minister bakah Union Finance Minister hnenah ngenna hi a thlen bawk. Chief Minister hian Governor PB Acharya chu sorkar laipui kar tur hian a ngen bawk a, tun thleng sum an dawn tur ang te pek an nih loh avang hian harsatna tam tak an tawk tih a sawi. Governor chu state-a thuneitu ber a nih avangin mawhphurhna ala tur a ni, a ti bawk.