India-Bhutan inlaichinna chungchang sawiho

India leh Bhutan ten ramri kaltlanga trade, commerce, hydro-power leh tourism lama thawhdunna ṭha zawk an neih theih dan ngaihtuahin, Bhutan Royal Institute for Governance leh Strategic Studies (RIGSS) palaite chuan tunhnai khan Guwahati tlawh an tlawh.

RIGSS palaite hi mi 35 an ni a, Bhuta lal Deputy Chamberlain Chewang Rinzin leh Bhutan Parliament member Tashi Wangyal-ten an ho a, Asian Confluence Center-ah thlan bikte nen inkawmhona hun an hmang. He hunah hian senior policy maker, artist, activist, media leh institution hrang hrang hotute pawhan tel.

Rinzin chuan an tum ber chu India leh Bhutan inlaichinnna tha siam a ni a ti a, he ta tan hian hmarchhak bial chu an pawimawh hle a ni a ti. Bhutan, Bangladesh, India leh Nepal te chuan thawhhona tha tak an neih a tul a, chu chuan kawng tam taka hmasawnna a thlen thei dawn niin a sawi bawk. Thla tharah hian hmarchhak palai te chuan Bhutan an tlawh ve thung dawn a, he hunah hian tourism tih hmasawn chungchang chu Bhutan policy maker te nen an sawiho dawn a ni.

Entrepreneur tan Bhutan chu tlawh ngei chi a ni a, hlawkna tam tak chhar tham a awm niin Bhutan palai chuan a sawi. Bhutan chu tun dinhmunah India aiin a per capita income a tam zawk a, Assam lakah phei chuan sang tak a nih thu sawiin, kalphung fel leh ṭha tak an nei a, chu chuan thil ṭha tam tak a paw chhuak a ni, a ti.

Bhutan ram chu democratic monar-chy leh corruption awm lohna ram niin Indian institute of Entrepreneur Manoj Das, Director chuan a sawi.

India leh Bhutan inrinna hi km 699 zeta thui a ni a, ram pahnih te hian infrastructure leh inkalpawhna lamah te, sumdawnna lamah te thawk dun turin hma an la mek a ni.