Sonia Gandhi hmu turin Manipur CM a zin

Manipur Chief Minis-ter Okram Ibobi Singh chuan Thawhṭanni khan Delhi a pan a, Congress president Sonia Gandhi chu cabinet siamṭhat chung-chang a sawipui ang. CM hi state unit Cong-ress president thar T.N. Haokip leh Depu-ty Chief Minister Gai-kha-ngam-ten an ṭawiawm a ni.

Okram Ibobi Singh leh amah ṭawiawmtute hian Sonia Gandhi hnenah hian cabinet thar turte hming an pe lut dawn niin an sawi a, Sonia Gandhi hian a pawmpui ngei rin a ni. Hetih lai hian tuna minister nilai te chu an lungawilo hle a, an zinga pakhat pawh paih an nih chuan an vaia an ban tur thu an puang tawh.

Manipur Pradesh Cong-ress Committee presi-dent Haokip chu cabinet siksawi duh lo zingah hian a tel a, amah bakah hian midang 25 te chu CM thil tih danah hian an lawm lo hle. Mahse Haokip chuan an sawiho hnuah CM duhdan chu an pawmtlan tur thu leh, MLA te chuan an dodal bur loh thu a sawi. "Kan zavai hian minister kan ni vek thei lo tih kan hria a, kan hun ala thleng ve mai ang tih chu kan thu tawpna a ni", a ti.

Manipur Assembly-a member 60 zingah 48 te hi Congress party MLA te an ni. Inthlan hnuhnung berah khan seat 42 an la a, midang pariat te hi a hnua an party zawmtute an ni.

MPCC president thar TN Haokip, Manipur Minister hlui leh MLA ni lai, TN Haokip chuan kar kalta Inrinni khan Manipur Pradesh Congress Committee (MPCC) president atan lawmluh a ni.

Lawmluhna inkhawm hi Congress Bhavan-ah neih a ni a, Mani-pur Chief Minister Okram Ibobi Singh, Deputy Chief Minister Gaikhangam, MPCC president kalchhuak ta leh Congress MLA 20 te bakah Parliamentary Secretary te an tel.

Hetih lai hian MPCC vice president leh Manipur Hill Areas Commi-ttee chairman ni bawk Dr Chaltonlien Amo chuan MPCC president thar atana Haokip an ruat chu duh loin an nihna a lo bansan tawh a ni.