Congress-in seat 43 lak beisei

Assam state inthlan thawh khatna neih zawh takah khan Congress party chuan seat awm zat 65 atanga seat 43 tal lak theih an inbeisei thu Assam Pradesh Congress Committee President Anjan Dutta chuan a sawi.

Dutta chuan Assam Tribune-in an kawmna-ah an party chuan a vawikhatna atan micro booth management committees an din tih a sawi a, hei hian nasa takin an dinhmun a siam ṭhat ngei an beisei tih a sawi a, seat 43 tal lak an inbeisei tih a hrilh.

Hetih lai hian Dutta chuan an party chu tea belt-ah Lok Sabha inthlanpui neih hnuhnung berah khan BJP chuan tea community aṭang hian candidate pahin Kamakhya Prasad Tassa leh Rameswar Teli te an dintir avangin an che ṭha lo tih a sawi. Tunah chuan thil a danglam tawh niin a sawi a, mipuite chuan Tassa leh Teli-ah hian rinna an nghat tawh lo niin a sawi bawk.

APCC president chuan BJP-in tea garden-a hnathawktute tan subsidized ration pek ṭhin chu tihtawp a duh a, Congress chuan a dodal tlat thung niin a sawi. Helai bial-a mite chuan National Register of Citizens (NRC)-ah khan harsatna an tawk tih a sawi a, an harsatna sukiang tur hian an party chu a ding reng a ni, a ti bawk. Sorkarna an siam a nih chuan an tan hian theih tawp chhuahin an thawk zel dawn tih Dutta chuan a sawi.