EC-in hriattirna pe

Election Commission of India chuan Assam-a political party pakhat leh television channel pahnih te chu ECI thupek zawm loh vangin show-cause notice a pe.

ECI order Section 126(1) (b) Representation of Peoples Act, 1951 chuan inthlan kaihnawih thil, result inrinsiak emaw mipui ngaihdan lak emaw a khap bakah, darkar 48 ral hma chuan electronic media hmanga tarlan a khap a, hei hi an bawhchhia niin an tarlang.

EC-in a tarlan dan chuan private satellite channel pakhat chuan April 3 khan air talk show a buatsaih a, private satellite channel dang leh chuan State Level Media Certification Committee phalna la hmasa loin party kaihhnawih a a tarlang niin an sawi bawk. Heng satellite channel pahnih te hian ECI order leh Section 126 (1) (b) of the Representation of Peoples Act, 1951 chu an bawhchhe ngei tih an sawi. ECI hian political party aṭangin phone hmangin complain an dawng a ni. Supreme Court leh ECI chuan satellite-a inthlan kaihnawih thil tichhuak tur hian State level Media Certification Committee hnen aṭanga pre-certificate an lak phawt a ngai a ni. ECI-in hriattirna a pek te hi hriattirna chhuah aṭanga darkar 48 chhunga insawifiah tura hriattir an ni.