April 11-ah Assam inthlan thawh hnihna nei dawn Candidate thubuai nei 42 awm

Assam Election Watch leh Association for Democratic Reforms (ADR) te chuan Assam state election thawh hnihna nei leh tura candidate 523 te affidavit an en fiah leh mek a, an zingah hian mi 42 te chuan thubuai an nei tih an tarlang. Inthlan thawh hnihna hi April 11-ah neih leh tur a ni.

Candidate 523 zinga 42 (8%) ten thubuai an nei mek a, chung zinga candidate 32 (6%) te chu tualthah thu uai, tual thah tuma puh, kidnap leh hmeichhia te laka thubaui nei te an ni. Candidate pahnih te chu IPC sections 302 leh 303 hnuaiah tualthah thubuai nei mek an ni a, AIUDF candidate Ananta Kumar Malo, Abhayapuri South constituency-a ding tur chu tualthah thubuai ah hian thiam loh chan tir a ni. Hetih lai hian Goalpara East constituency-a ding tur INC candidate Abul Kalam Rasheed Alam pawh tualthah thubuai awrh tir a ni. An ni bakah hian Bilasipara East constituency-a ding tur INC candidate Amrit Badsha leh Lumding constituency-a Independent candidate Ujjal Deb te chu IPC section 307 hnuai-ah tualthah tum thubuai awrh tir mek an ni bawk.

IPC section 354 hnuaiah Abdul Samad Choudhury, AIUDF ticket-a Rangiya constituency-a ding tur leh Javed Hussain Tanwar, National Road Map Party of India, Guwahati West constituency-a ding tur te chu hmeichhe laka mawilo taka cheah puhin Court chuan a chhuizui mek. Abdur Rahim Khan, AIUDF leh A Rahim Ahmed, INC candidate Barpeta constituency-a ding tur ve ve te chu IPC section 365 hmangin Kidnap thubuai siam sak an ni bawk. Party hrang hrang candidate zinga thubuai nei mek te chu - Congress 5 (9%) 57 candidate, BJP 5 (14%) 35 candidate, AIUDF 10 (21%) 47 candidates, CPI(M) 1 (11%) 9 candidate, Samajwadi Party (SP) 1 (20%) 5 candidate leh Independent 17 (8%) 216 candidate te an ni.

Association for Democratic Reforms (ADR) chuan Mari-gaon constituency chu inthlan thawh hnihna neih turah hian venhim zual ngai bik niin a tarlang bawk.