Manipur MLA-ten Minister-te an thlawp

Manipur-a Congress Minister te chuan MLA te thlawpna an hmuh ṭhat thu an sawi. Congress hian MLA 48 a nei mek a, an zinga 26 te chuan minister ni lai mek te an thlawp niin an sawi.

Congress Legislature Party MLA 26 te chuan memorandum thehlutin minister te chu siksawi rih lo turin an ngen. "Chief Minister Okram Ibobi Singh-a kaihhruai minister te hi kan ring tawk a, siam ṭhat ngai a awm kan hre lo. Minister ṭhenkhat te ban an nih chuan politic-ah nghawng ṭha lo zawk a nei thei" an ti a ni. Okram Ibobi leh Deputy Chief Minister Gaikhangam te chuan Congress president Sonia Gandhi hmu tura New Delhi kal an tum pawh an ṭhulh niin an sawi.

Cabinet Minister pakhat chuan local TV channel-ah minister te chu siksawi an nih loh tur thu hi a sawi a, a thusawi hi a hnuah a sut leh a ni. Hetih lai hian minister siksawi duhlo zinga mi TN Haokip chu Manipur Congress party president atan lakluh a ni. TN Haokip hian Chief Minister leh Deputy Chief Minister te chu Sonia hmu lo tur hian a ngen niin an sawi bawk.