NSCN-IM-in ramri hung an remti dawn lo

Sorkar laipuiin Indo-Myanmar ramria inkalpawhna (Free Movement Regime) tihtawp tuma hung a tumna chu Isak-Muivah kaihhruai NSCN-IM te chuan an dodal tih sawiin, ramri hung chu an remti dawn lo tih an sawi.

"Naga hnam hi inlungrual leh inpawh tak kan ni a, kan inpumkhatna hi barh luih ramri hian a tichhe pha lo a, he ramri chungchang India leh Myanmar sorkarin an sawiho lai khan Naga-te hi rawn kan ni lo a ni" tiin NSCN-IM chuan an tarlang. Naga hnam chunga rorelna fel lo leh dik lo hrang hrang chuan tun thlengin Naga hnam chu a la tibuai zel nia sawiin, Naga-te'n zalenna an sual chhan pawh an dikna leh chanvo te humhim a nih theih nan a nih thu an sawi bawk.

Sorkar laipuiin FMR tihtawp a tum tih an hriat chuan a ṭhawn thu leh Naga hnam tana thil pawi tak a nih thu an tarlang a,"India PM hmasa ber, Jawaharlal Nehru leh Burmese PM U Nu te'n 1953 kuma min ṭhenhran kha min hriatchhuahtir a ni. Mahse Naga hnam hian barh luih ramri hi kan pawm ngai lo a, ram hrana awm chung hian kan inpumkhatna a chhiat phah ngai lo a ni" an ti.

NSCN-IM chuan, Myanmar leh India a cheng Naga hnamte chuan inlungrual taka zalenna sualho an mamawh thu an sawi. Ramri ṭhenhran chu Naga hnam tan a lungchhiatthlak tak zet tih tarlangin, Longwa Lal in, Mon district-a mi chu ramri chuan a tan tlang tih an sawi.

Dan loa ramri kan ṭhin chungchangah NSCN-IM chuan Naga ram chhunga chutiang an lo awm a nih chuan anmahniin an enfiah tur thu leh, an ram chhunga chutiang an awm chu an remtih loh tur thu an sawi. Ramri hung chu an thlawp theih loh thu leh an inpumkhatna tichhe thei a nih thu an sawi a ni.