CoTU-in Arambai Tengol dan pawna hnawl turin phut

Manipur-a Kuki-Zo tribal pawl, Committee on Tribal Unity (CoTU) chuan sorkar laipui hnenah Meitei-social cultural organisation, Arambai Tengol (AT) chu dan pawnah hnawl turin an phut.

CoTU chuan thuchhuah siamin, an state boruak a pangngai chhoh a, boruak ralmuang a awm leh theihna tur kawng awmchhun chu sorkar laipuiin Arambai Tengol pawl dan pawna a hnawl a ni, an ti. Hemi rual hian Ministry of home affairs aṭanga member pathum panel-in an state boruak tichhetu nia sawi, Arambai Tengol pawl-te meeting an neihpui chungchang an zawt fiah bawk. Tualchhung buaina tuartu, Kuki-Zo hnamte meeting neihpui lo a, Meitei pawl meeting an neihpui chungchangah MHA chu rualkhai lo taka thil kalpui, one-sided policy kalpuiah an puh.