Gauhati High Court-in Assam sorkar insawi fiah turin phut

Assam sorkar chu an state leilung fa zinga Muslim, indigenous Muslim-te dinhmun (socio-economic status) zir chian a tum chhan sawi fiah turin Gauhati High Court chuan a hriattir.

Advocate F. Mazumder-a'n petition a theh luh bawhzuiin Justice L.S. Jamir chuan kar li chhung sorkar chu insawi fiahna hun a pe a ni.

Assam cabinet ṭhu khawm chuan nikum December 8 khan state chhunga Muslim hnam panga- Syed, Goriya, Moriya, Desi leh Julha te chu hmasang aṭanga cheng tawh an nih chu an pawm bakah, an khawsak dinhmunte zir chiang turin thu an ti tlu a ni.

Sub-Comitttee hian thurawn hrang hrang an chhawpchhuak a, Legislative council dina Assamese Muslim-te tana reservation siamsak leh Muslim puala Directorate hran siam te a tel.

Petition theh luttu chuan Assam chhim lam, Barak valley-a Muslim chengte an tel lo chu mak a tih thu a sawi. Petitioner chuan Muslim sakhaw hnuaia hnam peng ṭhenkhat chauh chu hamṭhatna leh duhsak bikna a pek theih loh thu a thlen a, India danpui hnuaia Article 25 aṭanga 30 inkarin humhimna leh duhsakna a pek bak a hranpain sorkar chuan a pe ngawt thei lo, a ti.