Assam : Tezpur Govt. Law college hawng

Assam chief minister, Himanta Biswa Sarma chuan Inrinni khan Tezpur-ah Government Law college a hawng. He law college hi Sonitpur district-a Chakighat hmunah sak a ni a, a sak nan hian Rs. vbc 16 hman a ni.

Tezpur Goverment Law College hawn hi Assam-in 2024-2025 chhunga law college a neih tur zinga sorkar enkawl law college 10-na chiah a ni dawn a, hei bakah hian Assam-ah hian private law college leh public-private law college eng emaw zat a awm bawk a ni. Tezpur law college-ah hian LLB bakah, B.A huam tela B.A LL.B course pawh a zir theih dawn a, kum hnih zir tur, LL.M pawh a zir theih dawn bawk. Heng course zawng zawngte hi Gauhati University hnuaia affiliate vek niin, Bar Council of India chuan a hriatpui bawk a ni.

CM Sarma chuan Tezpur law college a hawn rual hian an state-ah law college thar tur 10 sak mek anih thu a sawi bakah Chakighat-a industrial centre sak tum a nih thu te, university ṭha ber pawl, Godhpur-a sak a nih tur thu te a sawi bawk.