Nagaland-ah Assam Rifles-te'n kuhva rah an man

Assam Rifles-te chuan Thawhṭanni khan Kohima, Nagaland-a National Highway 29-ah kuhva rah, tone 120, local market-a Rs. vbc. 14.32 man hu an man.

AR sipaite hian Manipur aṭangin Nagaland-ah kuhva rah tawlh luh tum an awm thu an dawn chu bawhzuiin, NH-29-ah hian Mobile Vehicle Check Post (MVCP) an lo dah a, Jakhma bulah motor tlante an lo endik a ni. An enfiahna aṭang hian document mumal nei loa kuhva rah phurtu, pick-up pali leh truck panga chu an lo man zui ta a ni. Kuhva rah leh a neitu nia hriatte bakah, an motor-te hi police station hnai berah an hlan nghal a ni.