Meghalaya : Vety College leh Hospital hmasa ber tur din dawn

Meghalaya sorkar chuan an state chhunga veterinary college leh hospital hmasa ber tur din an tum thu an puang.

College thar tur hi Kyrdemkulai, Ri-Bhoi district-ah din a ni dawn a, damdawi in erawh upper Shillong lamah dah a ni thung ang. Vety college neih hi Meghalaya-in an mamawh nia hriain tunhma aṭang khan din a nih theih nan hmalak a lo ni tawh a ni.

Animal Husbandry and Veterinary minister AL Hek chuan department hotute'n an hmalakna tur atan hian Detailed Project Reports (DPRs) an buatsaih mek thu a sawi a, a ṭul ang ang tihfel a nih hnuah sorkar laipui puihna an dil tur thu a sawi. Minister chuan an department hotute chu chak taka hma la turin a nawr tih sawiin, Lok Sabha inthlanpui neih hma ngeia pawmpui an nih theih a duh thu a sawi bawk.