Assam : Gauhati High Court-in lawi insiktir a khap

Gauhati High Court chuan thu leh awm hma chu Assam huam chhungah lawi insiktir khap a nih thu an puang.

High Court chuan Assam district tina thuneitute chu he khapna dan hi lekkawh turin a hriattir nghal bawk. Lawi insiktir hi Assam-a an hunpui pakhat, Bihu lawm laia an tih ṭhin a ni.

People for the Ethical Treatment of Animals (PETA) India chuan High Court-ah hian petition theh lutin, festival laia lawi insiktir ṭhin chu khap turin an ngen a ni. Court chuan petition a ngaihtuah hnuah thutlukna hi a tichhuak a ni. PETA petition theh luhah hian lawi insiktir mai bakah sava chi khat, bulbul insualtir pawh khap turin Court hi an ngen bawk.

Gauhati High Court chuan Assam sorkar chu court thupek an bawhzui dan leh hmalak dan kimchang hriattir turin thu a pe bawk. Sorkar lam hian February 6 hma ngeiin an hmalak dan chu court an hriattir tur a ni, a ti.