Assam : Pathian thu hril vangin US mi pahnih hreng

Assam police-te chuan US mi leh sa pahnih chu phalna nei loa Kristian sakhaw rin dan thehdarha puhin, nimin khan Sonitpur district-ah an hreng.

Sonitpur SP, Susanta Biswa Sarma chuan an mi mante chu tourist visa hmanga India ram rawn tlawh an nih thu sawiin, an visa neih chuan sakhuana kaihnawih thil an khawih a phalsak loh bakah, an sakhaw rin dan an thehdarh thiang lo niin a sawi. SP Sarma chuan police station-a an koh thu leh USD 500 an chawi tir thu a sawi bawk.

Visa an kawlin phalna a pek baka che, a bikin sakhaw thehdarhna kawngah dan bawhchhiat avanga hrem hi a ṭum khatna a nilo a, October 2022 khan German mi pasarih leh Sweden mi pathumte chuan Assam Golaghat leh Dibrugarh district ah hetiang puhna avang hian hrem an lo tawk ve tawh bawk. Assam police-te chuan Guwahati lama an hruai hnuah, an ram lamah an thawn kir a ni.