Sept 5 aṭangin Tripura-Bangladesh inland waterway hmang dawn
Tripura leh Bangladesh inkalpawhna, Sonamura-Daudkandi inland waterway chu September 5 aṭangin hman ṭan a ni dawn.
Daundkandi, Bangladesh aṭangin cement ton 50-a rit phurtu lawng chu he waterway kaltlang hian September 5-ah Tripura-a Sepahijala district-ah a thleng dawn a, union minister for shipping Mansukh Mandaviya chuan Delhi aṭangin video conference kaltlangin a lo dawngsawng dawn a ni. Hemi hnu hian khualzin phur lawngte pawh kal tir chhunzawm an nih tur thu Director of Land Port Authority of India (LPAI) Ajit Kumar Singh chuan a sawi.
Sonamura-Daudkandi route hi km 90-a thui niin, km 89.5 hi Bangladesh rama awm a ni.
Chief minister Biplab Kumar Deb chuan Gomait lui kaltlanga Daundkandi aṭanga Tripura-a trial run nei tur hian Bangladesh Inland Water Transport Authority hnenah phalna pek a nih thu a sawi. Bangladesh Shipping Ministry official team pawhin August 12 khan a route hi an lo enfiah tawh tih a sawi bawk.