Manipur Chief Minister-in MANIFRESH tlangzarh

Manipur chief minister, N Biren Singh chuan Thawhṭanni khan MANIFRESH (Processed Food Product) a tlangzarh.

MANIFRESH hming hian Manipur chhunga horticulture product 30 chuang chu khawvel hmun hrang hrangah thawn chhuah ṭhin a ni ang. MANIFRESH hi Value Chain Marketing of Quality Local Horticulture Products scheme kaltlangin Brand Building Initiatives hnuaia din a ni.

Tlangzarhna hun hi Chief Minister secretariat-a Durbar Hall-ah neih a ni a, he hun hmannaah hian entreprenuer hrang hrang chu an thil siamchhuah tlangzarhsak an ni bawk. MANIFRESH hminga product an thawn chhuah tur zingah hian Kachai lemon tea, Dehydrated Pineapple, Dry Cake, Lotus tea, Lotus incense tea, Garcinia powder, Amla powder, Ragi gulla, Chakhao bujiya, Brocco-kies, Indian pennywort tea, Orange jam, Banana Brew, Passion fruit Brew, Rhododendron Brew, Khasi cherry Brew, Plum Brew, Kiwi Brew, Wild olive Brew, Peach Brew, Wild apple Brew, Pineapple Brew, Mushroom Brew te an tel.

Chief Minister chuan,"Mi zawng zawng hian state chhunga kan tharchhuah hmang hian brand hlawhtling tak kan din thei vek a ni, hmathlir ṭha leh tumruhna kan neih chuan state mipuite hian kan sum dinhmun chawikangin India ram ṭhan zelna kawngah tha kan thawh ve thei dawn a ni" tiin X-ah a tarlang.