Tripura-ah eptu member 287-in BJP zawmn

Lok Sabha inthlanpui neih tura atana inbuatsaih mek karah, Tripura-a rorel lai, Bharatiya Janata Party (BJP) chuan eptu party, CPI(M) leh Congresss party member 287-in an zawm thar.

BJP hian Agartala-a an headquarters-ah an party zawm tharte lawm luh inkhawm hi an buatsaih a, he hunah hian an state chhunga BJP hruaitu pawimawhte an tel kim hle. State BJP president Rajib Bhattacharjee leh minister Ratan Lal Nath-te'n an telpui bawk.

Hetih lai hian Tripura chief minister Prof. Dr Manik Saha chuan Thawhṭanni khan New Delhi-ah union home minister Amit Shah leh BJP national president JP Nadda-te a hmu. Chief Minister chuan kumina Lok Sabha inthlanpui neih tur chungchangte an sawiho thu tarlangin, an state-ah pawh BJP chuan hnehna an chan ngei a beisei thu te, ram pum huapa BJP chuan central-ah pawh sorkarna a siam ngei a beisei thute a sawi.