Assam sorkarin Panchayat inthlan hun sawn

Assam sorkar chuan Lok Sabha inthlan neih a nih dawn avangin, Panchayat inthlan neih tur chu inthlanpui neih zawh huna sawn turin thutlukna a siam.

Cabinet minister Ranjeet Kumar Dass chuan Panchayat inthlan chu delimitation tih mek a nih avang leh, voter list siamṭhat a nih avangin sawn a ṭul thu a sawi. Inthlan buatsaih a nih hma chu District Commissioners (DC) tin chu Panchayat enkawl lailawk tur an ni dawn a, hei bakah hian state sorkar chuan 'guardian ministers' dah a tum nia sawiin chungte chuan Panchayat hnuaia hmasawnna hna thawh leh hamṭhatna an dawn hrang hrangte bawhzui leh enfiah hna an thawk dawn a ni.

India danpui chuan Panchayat inthlan chu an term an hman zawh aṭangin thla 6 chhunga neih tur ti mah se, delimitation avang hian inthlan hun chu sawn hlat a ni.