Assam CM leh sorkar palaite flight bill-ah Rs vbc 58 seng

Assam sorkar chuan kum 2021, May thla aṭang khan chief minister Himanta Biswa Sarma leh sorkar palaite tana helicopter leh chartered flight an hmanna senso ah cheng vaibelchhe 58 chuang a seng tawh.

Consumer affairs minister Ranjeet Kumar Dass chuan Thawhlehnia Assembly rorel inkhawmah hei hi sawiin, states sorkar chuan May 2021 - January 2024 inkarah flight bill atan hian Rs vbc 58.23 a seng tawh tih a sawi a ni. Hei hi Raijor Dal president Akhil Gogoi zawhna a chhannaah a tarlang a ni.

Das chuan fiscal year 2021-2022, 2022-23, leh 2023-24 chhungin Chief Minister leh palai dangte 'airlifting/helicopter charge' atan Rs vbc 10.2, Rs vbc 34.01 leh Rs vbc 14.02 a pe chhuak tawh tih a sawi. Hemi rual hian CM hian a mimal thil leh election campaign-na atan chuan sorkar sum hmang loin party-in a tum sak niin a sawi a, mahse RTI hmanga zawhna chhannaah hian heng senso hi party-in a peksak tih finfiahna kimchang tarlan a ni tel lo thung.

Zawhna zawttu, Gogoi hian CM Sarma chu helicopter leh chartered plane hmanna atana sorkar sum dik lo taka pawtpeng ṭhinah a puh a ni.