AAP-in Assam aṭangin Lok Sabha seat 3 chuh dawn

Aam Admi Party (AAP) chuan nimin khan kumina Lok Sabha inthlanpui lo awm turah Assam aṭanga seat pathum an chuh tura candidate-te an puang.

AAP hian INDIA-a an thawhpui, Congress chuan Assam-a Lok Sabha seat chuh an tumte hi an thlawp an beisei thu tarlang telin, Assam-a Lok Sabha seat an chuh turte leh an canddate-te chu Bidrugarh constituency-ah Manoj Dhanohar, Guwahati constituency-ah Bhaven Chaudhary leh Sonitpur constituency-ah Rishi Raj te an nih thu an sawi.

AAP Rajya Sabha MP, Sandeep Pathak chuan Assam-a AAP-in Lok Sabha seat chuh tur candidate an puan chungchangah hian,"INDIA-a kan thawhpuite hian min pawmpui ngei kan beisei, chutih rualin inthlana hnehna chan erawh a pawimawh ber thung. Heng constituency atana inpuahchahna hi kan kalpui nghal a ni. Thil engkim kan thlir a ngai a, inbiakna kal reng thil mah ni se a rah chhuah hmuh tur erawh a la awm lo. Modi sorkar paihthla tur hian INDIA lam kan ṭan a, thawhho anga thutlukna pawh kan siam zung zung a ngai a ni," a ti.