Regional party thar kan thlawp ang : Tarun Gogoi

Assam chief minister hlui Tarun Gogoi chuan kum 2021 assembly inthlan an neih hmaa regional party din a nih chuan state Congress chuan a thlawp dawn tih a sawi. 

Ningania Guwahati-a chanchin­thar lakhawmtute a kawmnaah Gogoi chuan he thu hi a sawi a ni. Assam Congress chuan BJP sorkar paihthlak a nih theih nan, regional political party thar din chu kan thlawp dawn a ni, a ti. 

All Assam Students' Union (AASU) president Dipanka Nath chuan Nilaini khan political party thar a din dawn niin a sawi thawi a, February thlaah kimchang taka puanzar a tum tih a sawi. 

Assam CM hlui Tarun Gogoi chuan Nath hi a thlawp thu sawiin, "Regional political party thar din an tum hi a ṭha ka ti a ni," a ti.