Assam tuilian tuarte tan Akshay Kumar-a'n Rs vbc khat a pe

Bollywood superstar Akshay Kumar chuan Assam-a tuilian tuarte ṭanpuina atan cheng vaibelchhe khat a pe. 

Chief minister Sarbananda Sonowal chuan tuilian vanga harsatna an tawh mek hriatpui a, tuilian tuarte khawngaihna a lantir avangin Akshay Kumar chungah lawmthu a sawi. Assam mipuite tana ṭhian 

ṭha tak a ni tih a twitter-ah a tarlang a ni. 

Ruahsur nasa avangin Assam hian tuilian nasa tak a tuar a, district 26-a cheng mi nuai 28 chuangin harsatna an tawk a ni. Mahse July 24 aṭangin ruah sur a ziaawm chho a, hei vang hian tuilian pawh a kam ṭan tawh a ni. 

Assam State Disaster Ma­nage­ment Authority (ASDMA) chuan tuilian vang hian thing­tlang khaw 1,087 a cheng mi nuai kua velin harsatna an la tawk niin a tarlang.