AP CM-in ramri hung a thlawp thu sawi ve leh

Arunachal Pradesh chief minister Pema Khandu chuan sorkar laipuiin northeast huam chhunga India leh Myanmar inrina, km 1,643-a thui hung a tum chu ṭha a tih thu a sawi.

Chief Minister Khandu hian sorkar laipuiin ramri a hung chuan ramri kana India ram chhunga hlauhawm leh chhiatna thleng zawnga chetna a tlem phah a beissei thu a sawi. "Ramri hungna venhimna leh enthlakna dah chuan ramri kana chetna a ven ṭhat dawn bakah, thil dik lo hmuh pawh a awlsam tawh dawn a ni. Myanmar nena kan ramri hung tura hma latu, Prime Minister Narendra Modi leh Home Mi nister Amit Shah te ka fak mawlh mawlh che u," tiin Khandu hian X-ah a tarlang zui a ni.

Union home miniser Amit Shah chuan India-Myanmar rmari hung a nih tur thu leh, ramri kaltlanga zalen taka inkalpawhna tura inremna lo siam tawh, Free Movement Regime (FMR) chu tihtawp a nih tur thu Thawhlehni khan a puang a ni. Sorkar laipuiin Myanmar ramri hung a tum hi Assam chief minister Himanta Biswa Sarma leh Manipur chief minister N Biren Singh-te pawhin ṭha an tih thu leh, an thlawp thu an lo sawi tawh bawk.