Zirlai naupang neih loh vangin sikul pali khar

Nagaland sorkar chuan sorkar sikul pali; primary sikul pathum leh middle sikul pakhat chu zirlai naupang an awm loh avanga khar a nih thu an puang.

Nagaland sorkar hnuaia Commissioner & Secretary, Kavilenuo Angami chuan sorkar thuchhuah hi siamin, sikul palite chu tihtawp nghal a nih thu a tarlang. Thuchhuahah hian heng sikul titawp tura thutlukna hi State Level Education Committee (SLEC)-in nikum December 15-a meeting a neihah siam a nih thu leh, mipuite ṭhat zawk nana a rang lama tihtawp nghal a nih thute tarlan a ni.

Nagaland sorkar sikul pali tihtawp tak zinga primary sikul pakhat leh middle sikul hi Zunheboto-a awm a ni a, primary sikul dang pahnih hi Tseminyu leh Mokokchunga awm te an ni bawk.