Assam-ah CAA dodalna thar thawh leh

Assam-ah Citizenship (Amendment) Act leh draft Environment Impact Assess­ment Notification 2020 duh lohna lantirin, Narengi area-ah human chain siam a ni. 

Asom Jatiyatabadi Yuva Chhatra Parishad (AJYCP) huaihawtna hnuaiah lungawi lohna hi lantir a ni a, nasa zawka nawrh huaihawt an tum thu an sawi. Lungawi lohna lantirnaa telte chuan nikuma CAA dodalna a lantir avanga man,  Krishak Mukti Sangram Samiti leader Akhil Gogoi chu chhuah turin an phut. 

AJYCP  Guwahati unit president Pradip Kalita chuan CAA leh EIA sut leh a ni hma chuan duh lohna an lantir chhunzawm zel tur thu a sawi a, kum 2016 aṭang khan CAA dodalna hi an lantir tawh chungin sorkar chuan an ngenna te a ngaihsak duh lo niin a sawi.