Naga talk-a palai hna thawk turin Intelligence Bureau chief ruat
Nagaland helpawlte leh sorkar lapuiin remna palai hna thawk tura a ruat, Nagaland governor RN Ravi-ten inremna siam tuma inbiakna an neih chu thla eng emaw zat chhung awmzia a neih theih loh avangin, Prime Minister Office chuan palai hna thawk tur hian Intelligence Bureau hotu a ruat nia sawi a ni.
Intelligence Bureau Director Arvind Kumar chu Naga helte nena inremna siam a nih thuai theihna tura palai hna thawk tura ruat a ni tih media report chuan an tarlang. Official pakhat chuan kum ruk chuang zet chu RN Ravi chuan Naga pawl hrang hrangte pawh a kawm kual a ni. Mahse tunhnai thla 10 leh 11 vel aṭangin inbiakna hian hma a sawn thei ta lo a ni, a ti. Official lamin an sawi danin, PMO hia IB hotu bakah IB special director Akshay Kumar pawh inbiaknaah hian tel ve turin a ngen bawk.