Meghalaya Govenor thar Satya Pal Malik

Meghalaya governor Tathagata Roy chuan a term a hman zawh tak avangin a thlaktu atan Goa governor  Satya Pal Malik ruat a  ni. 

Rashtrapati Bhavan chuan Malik sawn a nih avangin Goa governor hna chu  Maharashtra governor Bhagat Singh Koshyari hnenah lo hmui rih turin a ti. Satiya Pal Malik hi August 2018 - Ocotober 2019 chhung khan Jammu and Kashmir governor a ni a, he dinhmun a chelh lai hian Jammu and Kashmir special status pekna, Article 370 tihtawp a ni. J&K-a a awm hma hian Bihar governor-in a awm a, J&K-a kum khat a awm hnuah Goa-ah dah leh niin, kum hnih chhungin hmun pathumah sawn hman a ni. 

Goa governor a nih chhung hian BJP kaihhruai sorkara chief minister Pramod Sawant nen coronavirus leng chungchang hmalak danah an ngaihdan a in ang lo fo nia sawi a ni a, CM thusawi te pawh na takin a lo hnial lang fo a ni. Uttar Pradesh state mi niin, kum 1989-1991 chhung khan Lok Sabha member a lo ni tawh bawk.