Nagaland : CM-in FMR tihtawp a dodal thu a sawi
Nagaland chief minister Neiphiu Rio chuan Inrinni liam taa 'The white owl literature festival and book fair' hawnnaah thu sawiin, sorkar laipuiin India leh Myanmar-in zalen zawka inkalpawhna tura inremna an neih, Free Movement Regime (FMR) a titawp chu a dodal thu a sawi
Chief Minister Rio chuan sorkar laipuiin ramri chungchanga a thil venthawn tam tak chu a hriatthiam thu leh, ramri chungchanga inkaihhruaina dan zawm ṭhat loh chuan helna pawh a siam tam thu sawiin, union home minister Amit Shah-a'n FMR tihtawp a nih thu a puan tak avanga Nagaland cabinet-in inkaihhruaina thar an siam thu a tarlang. Rio hian sorkar laipui hmalakna chu a zah rualin state sorkar thil tum leh ram mipuite duh dan a pawimawh zawkna avanga FMR chu an dodal a ngaih zawk thu a sawi a ni.
"Mipuite duhna kan hria a, chuvangin sorkar pawhin FMR tihtawp hi kan do a ni. Hmalak zel dan tur ngaihtuah a ni ang" tiin Rio chuan a sawi. Hetih lai hian Rio kaihhruai sorkar hian FMR tihtawp chungchangah hian sorkar laipui hnenah ramri kana inkalpawh tawnna tura inkaihhruaina mumal leh kalphung fel zawk ruahman turin ngen a tum niin tarlan a ni.