Sikkim-in old pension scheme hmang leh

Sikkim chief minister, Prem Singh Tamang chuan Sikkim sorkarin April 1, 2006 hnu lama a rawihte tan Old Pension Scheme (OPS) an hman leh tur thu a puang. Sikkim hi North-east state zinga OPS hmang leh hmasa ber a ni.

OPS hman leh a nih tur thu hi Rangpo-a public ground-a state level temporary employees' convention neihnaah CM hian a puang a, he hunah hian Sikkim mipuite tana hlawkna tur hnathawh tur hrang hrang pawh sawi lan a ni.

CM Tamang-a'n OPS hman leh tur thu a sawi rual hian a nghet loa sorkar hnathawka lakte dah nghehna tur chungchang a sawi bawk a, department of personnel tarlan danin a nghet loa sorkar hnathawk mek, rualbanlohna nei, kum hnih leh a aia rei thawk tawhte chu dah ngheh an nih theih nan hmalak a ni. Sorkar hnathawk nghet lo; muster roll, adhoc leh consolidated pay anga kum li aia rei thawkte chu dah ngheh tura ruahman a lo ni tawh bawk.