Assam sorkarin State Civilian Award 2023 a sem

Assam Governor Gulab Chand Kataria chuan Assam civil mite chawi-mawina sang Assam Bhaibhav, Assam Saurabh leh Assam Gaurav chu an kalna kawng hrang hranga mi chhuanawm mi 22 hnenah a hlan.

Award semna hun hi Srimanta Sankardev Kalakshetra, Guwahati ah neih a ni. Chief Justice of India hlui Ranjan Gogoi chu Assam Baibhav Award hlan a ni a, Assam Saurabh Award hi mi pali Kishan Chand Nauriyal, Elvis Ali Hazarika, Hima Das leh Nadiram Dueri te'n an dawng dawn.

He hun hi Vice President Jagdeep Dhankar leh Assam chief minister Himanta Biswa Sarma te'n an hmanpui. Assam sorkar hian award hi kum 2021 khan a sem ṭan a, an theihna zawna mi chhuanawm tak tak te chu thlanchhuah niin chawimawina hi hlan an ni ṭhin. Award hian medal, citation, pawisa fai leh hamṭhatna hrang hrang a keng tel a ni. Heng zingah hian guest house leh circuit house-a thlen man awm loa thlen leh man chawi loa damdawi ina inenkawl theihna te a tel a ni.