Assam : Highway siam nan Rs. vbc. 328 ruahman

Union Minister of Road Transport & Highways, Nitin Gadkari chuan Assam-a Majuli leh Jorhat district inkara National Highway 715,two-lane a siamna turin Rs. vbc.328 an ruahman thu a tarlang. Kawngpui siam thar turah hian km 20 chuanga thui flyover pawh awm tel tura ruahman a ni.

Nitin Gadkari chuan Jorhat leh Majuli inkarah awlsam taka inkalpawh theihna a awm loh avangin he ruahmana hi siam an nih thu social media lamah a tarlang. Union Minister chuan Majuli leh Jorhat-a chengte chuan inkalpawh nan tun thleng hian lawng an la hman thu sawiin, Brahmaputra lui chu a len ṭhin avangin mipuite tan a him tawk lo a ni, a ti. Inkalpawhna kawngpui pangngai tak an siam tur chuan engtik hunlai pawha inkalpawh a tih awlsam bakah khualzin hip kawnga an hlawkpui a rin thu sawiin, mipui chengte paw'n hma an sawnpui ngei a beisei thu a sawi bawk a ni. Gadkari chuan an highway siam thar tur chuan zin hun chhung a tihtlem dawn thu a sawi bawk.