Prime Minister-in Tripura mipui hmaah thu sawi dawn

Prime Minister Narendra Modi chuan February 24 hian Tripura mipui hmaah online hmanga thuchah a sawi tur thu Tripura Chief Minister Manik Saha chuan a sawi. He thuchah a sawi tur hi 'Viksit Bharat Viksit Tripura' pual a ni dawn a, Delhi aṭangin a sawi dawn a ni.

Chief Minister chuan Modi kaihhruai sorkar chuan kum 10 chhung ro a rel hnuah hmasawnna tam tak a awm a, hmarchhak state huam chhungah ringawt pawh National Highway paruk lai a siam hman tih a sawi. "Act East Policy hmangin Bangladesh nena inkalpawhna tur Maitri Setu chu Tripura chhim lamah bul ṭan a ni tawh a, hemi bakah hian Special economic Zone, Sabroom lamah hawn tum a ni bawk. Maitri Setu hi siam zawh a nih hun chuan state hmelhmang a tidanglam dawrh dawn a, Chittagong port nen pawh awlsam takin a inkalpawh theih tawh dawn a ni" a ti.

CM chuan Rs. vbc. 440 chu hmasawnna hnathawhna hrang hranga hman turin dah hran a nih tawh thu a sawi. Heng hnathawh tur zingah hian Haora lui kama tuilian dalna siam leh Agartala-a Ujjayanta Palace chhehvel chei ṭhatna tur pawh a tel a ni.