Arunachal-ah Adi hnam pual sikul hawn a ni

Arunachal Pradesh Health and Family Welfare minister Alo Libang chuan hnam tenau zawk tana zirn in an hawn ṭhin chu Adi hnam tan Komsing, Siang district-ah a hawng.

Hei hi hnam tenau zawk zirna in pali an hawnna niin, Nilung Tungko tih a ni a, zirna in din hian a tum ber chu hnam ziarang leh chindan phungte a ral mai loh nan leh ṭhangthar zawkte'n an chhawm nun zel theihna tura hma lak a ni.

Alo Libang chuan pi leh pu hunlai aṭanga thiamna an neih chu ṭhangthar tana vawn nun zel a nih theih nan a pawimawh a ni, a ti. Nilung Tungko chu Adi hnam tan rohlu tak a nih a beisei thu sawiin, hetiang zirna in a hawng thei chu lawmawm a tih thu a sawi a, an zirna in chuan Adi hnam ziarang leh chin dan chu zirna hmanga a chhawm nun zel a beisei thu a sawi bawk.

Hnam tenau zawk tana zirna in siamah hian zirlaite tan hmasang thiamna leh NCERT zirlaibu chu kaikawpin zir turin an chhawpchhuak ṭhin a ni.