DoNER Ministry leh NEC thawhpui turin IIM Shillong-in MOU an ziak

NEC Shillong, IIM Shillong leh Ministry of DoNER chuan Dr. APJ Abdul Kalam Centre for Policy Research and Analysis chhunzawm zel a nih theihna atana thawkho turin inremna thuthlung an ziak.

MoU an ziah hi 15 Oct, 2016 a inremna an lo ziah tawh chhunzawmna a ni. Inremna hmang hian APJ Abdul Kalam Centre-in a tum ber chu hmarchhak state ṭhan zelna atana zirna in pawimawh tak nihtir bakah, hmarchhak state hmasawn nana thawktu leh hma latute puih thlengin a huam tel a ni. Heng bakah hian hmasawnna kawng a hma latute chawikan a huam tel bawk.

Moses Chalai, NEC secretary chuan Dr. APJ Abdul Kalam Centre chuan an beisei ang taka hna a thawh thu a sawi a, DoNER ministry leh NEC ṭangkawpin administrative building thar an sak zawh avangin lawmawm a tih thu a sawi bawk.