Assam : Congress-in Lok Sabha seat 12 an chuh ring

India ram inthlanpui lo awm turah hian Congress party chuan Assam aṭangin seat 12 an chuh dawn nia hriat a ni. Assam unit hruaitute chuan constituency panga a candidate tur an tifel tawh a, Assam Congress president Bhupen Borah pawhin a pawmpui tawh a ni.

Congress hian an candidate tur panga tichiang tawh mah se, Lok Sabha seat 14 awmna Assam-ah hian Lok Sabha seat la awm pakua (9) chu United Opposition Forum Assam (UOFA) kutah an dah rin a ni. Assam Congress president chuan February 20 hmain seat 9 dang la tihfel loh chu an tihfel tur thu a sawi. UOFA-a Congress thawhpui, Aam Aadmi Party (AAP) chuan Dibrugarh, Guwahati leh Sonitpur-a an party aiawha ding tur an lo tifel tawh bawk.