AP-ah helpawlin mi 10 an ru bo

Arunachal Pradesh-a Chalang district-a lungalhthei laihchhuahna khur aṭangin helpawl ni ngeia hriatin, mi 10 an ru bo. Mi 10 ruk bote hi coal industry hnuaia thawk vek an ni a, an vai hian Assam Tinsukia district aṭanga kal an ni.

Chalang district Superintendent of Police, Kirdi Padu chuan,"Hriat theih chinah Assam mi 10 chu ruk bo an ni a, ruk bote nihna leh an awmna chu chhui zui mek a ni" a ti. Padu chuan Assam Rifles leh Assam Police nen mi bo zawn kawngah an thawhho thu a sawi a, eng helpawl thiltih nge tih chu an la hriat loh thu a sawi bawk.

Lungalhthei laihchhuahnaa thawkte an ruk bona hi Phinboro khaw bul mai a ni a, Phinboro leh a chhehvel hi NSCN (KYA) tamna hmun a nih avangin NSCN-te thiltih a nih ring an tam hle.