Nagaland Speaker-in NCP MLA pasarih hrem tura ngenna a hnawl

Nagaland Legislative Assembly Speaker, Sharingain Longkumer chuan Nationalist Congress Party (NCP) MLA pasarih laka petition theh luh chu a hnawl.

Petition hi NCP chhunga Sharad Pawar lam ṭangte'n an theh luh niin MLA pasarihte hian Ajit Pawar lam ṭang an nih vangin an MLA nihna tihtawp a nih theih nan Speaker hennah hian petition an theh lut a ni. Ajit Pawar kaihhruai NCP hian Shiv Sena-Bharatiya Janata Party chu Maharashtra-ah an thawhpui a ni.

Thiam chang ta MLA pasarih te hi - Er Picto Shohe, P Longon, Namri Nchang, Y Mhonhemo Humtsoe, S Toiho Yeptho, Y Mankhao Konyak leh A Pongshi Phom-te an ni. Speaker chuan heng MLA pasarihte hi India danpui hnuaia 10th Schedule, Para 2(1)(a) hnuaiah thiam loh chantir theih an ni lo tih a sawi.